Пејачот Харис Џиновиќ и модната дизајнерка Мелина решија да се разведат по 10 години брак, а причината за разделбата долго се чуваше во тајност.
Сепак, пејачот неодамна реши да го прекине молкот и на медиумите им посочи дека Мелина го оставила, а на прашањето за причината, тој рече дека „измамениот сопруг секогаш последен дознава“ . Пејачот сега откри и дали е во контакт со модната дизајнерка, повторно нагласувајќи дека таа го оставила него, а не тој неа.
„Не знам зошто се крена толкава гужва, тоа е обичен процес, обичен развод. Има некои бесмислени шпекулации, тоа не ме интересира. ‘Изневерениот сопруг последен дознава’ е стара изрека, некој не ја измислил за џабе. На некој маж му се случило еднаш последен да дознае, па можеби од него почнало. Не ме прашувајте за децата или друго за разводот, јас не ја оставив, туку таа ме остави мене“, вели Џиновиќ, кој додава дека не му е тешко и дека не е подготвен за нова љубов:
„Во основа, не, не сум подготвен“, рече Харис, посочувајќи дека периодот низ кој минува полесно се поднесува со музиката.
„Не е лесен период кога сè се распаѓа, но не е важно. Музиката и моите изведби се голема инспирација и заштита, особено ако луѓето уживаат во вашите песни“, рече тој.
На самиот крај ги коментираше наводите дека Мелина го враќа моминското презиме Галиќ.
„Не сум се слушнал со Мелина, ништо не ме интересира. Она што не те убива, те прави посилен. Од една битка излегов жив и здрав, таа битка не ја изгубив, тоа е мотив за сè и доживотно“, заклучи тој.
