Терористички напад е спречен синоќа во Белгија во пресрет на белгиските избори за убавина (Мис Белгија), откако маж (40) планирал да „убие се“ на свечениот настан, јавуваат белгиските медиуми.
Како што пренесува Њузблат, уапсен е маж со два пиштоли – едниот во џебот, а другиот во изнајмен автомобил Тесла.
За среќа, полицијата од областа Лимбург била информирана за намерите на мажот пресретнувајќи порака од негов познаник.
„Човекот е уапсен, имал два пиштола. Сакал да изврши напад, планирал да направи нешто што можело да заврши многу лошо, а имал и панцир“, изјави Ерик ван дер Сипт од државното обвинителство.
View this post on Instagram
Натпреварот за убавина Мис Белгија се одржа во Адинкерк, во близина на француската граница.
На местото на изборот синоќа биле забележани голем број полицајци. Организаторите сепак одлучија да се одржи натпреварот, но неговиот почеток беше одложен.
Белгиските медиуми јавуваат дека кај терористот биле пронајдени одредени хемикалии, но не се познати повеќе детали.
За годинешна Мис Белгија е избрана убавицата Емили Ванстинкиште.
View this post on Instagram
