По тажната вест за збогувањето на Брус Вилис со филмот, режисерот на „Шестото сетило“ М.Најт Шјамалан, кој неколку пати соработувал со актерот, сакаше да ја сподели својата тага.
Шјамалан е само еден меѓу многубројните холивудски уметници кои во последните денови ја изразија својата блискост и својата наклонетост кон саканиот актер, кому му беше дијагностицирана афазија, јазично нарушување предизвикано од оштетување на мозокот што ја принуди ѕвездата да се повлече од актерството.
Режисерот има соработувано неколку пати со Вилис, а меѓу славните нивни филмови се и „Шесто сетило“, „Нескршливи“, „Сплит“ и „Стакло“.
View this post on Instagram
Ова се неговите зборови:
„Со сета моја љубов и почит кон мојот постар брат Брус Вилис“, напиша Шјамалан во твит. „Знам дека неговото прекрасно семејство го опкружува со поддршка и му дава сила. Тој секогаш ќе биде херојот од мојот постер на ѕидот кога бев дете“.
Режисерот се осврнува на постерот на филмот „Умри машки“ кој бил закачен во неговата спална соба кога бил дете, како што раскажа во интервју за ТАСС во 2019 година.
„Многу му должам, навистина му ја должам мојата кариера, да бидам искрен. Ниедно момче на 24, 25 годишна возраст не пишува филм со суперѕвезда која му вели „да“ и успева да го реализира токму на начин каков што сакав. Ги имав сите овие луди теории за снимање филм и тој ми дозволи да го направам сето тоа“.
На крајот, режисерот заклучува дека треба да се преиспита повторно одлуката на наградите Razzie (Наградите Златна Малина се пародија во чест на најлошите филмски (не)достигнувања) за одземање на наградата доделена на Брус Вилис.
