Легендарната пејачка на народна музика Лепа Лукиќ неодамна откри дека напишала тестамент, како и дека целото богатство што го стекнала во текот на 50-годишната кариера ќе го остави на својоот внук Радисав, но мора да исполни еден услов.
Имено, во тестаментот стои дека внукот на пејачката ќе добие ресторан, два стана, куќа и целата заштеда на Лепа, но под еден услов, тој да се грижи за мачката Маза.
– Напишав тестамент во кој изјавив дека мојот внук мора да се грижи за мачката, ако заминам пред неа. Радисав треба да се грижи за Маза, да се грижи за неа и да ја гали, а тој ќе наследи сè што сум стекнала во текот на мојот живот. Сето тоа го има во документот што го чува мојот адвокат – рекла Лепа
Пејачката додала дека е многу приврзана за мачката која ја посвоила пред девет години.
-Таа е чудо од мачка, ја гледам како мое дете. Затоа морав да се грижам за неа и да знам дека ќе биде добро кога ќе одам на другиот свет. Од 2011 година ние две живееме заедно како мајка и ќерка – додала Лепа.
Таа нагласи дека со Маза зборува како човек.
-Таа е многу паметна, таа е попаметна од мене! Таа никогаш не се качувала на маса додека јадам, како што прават другите мачки. Таа ја има својата храна и кога ќе каже ‘мјау’, ја прашувам: ‘Сине, кажи ми што сакаш, кажи мајка што сакаш?’ Потоа, одиме заедно до каде ѝ е садот со храна и ја полнам со храната да јаде. Кога ќе се насити, одиме во спалната, го гасам светлото, а таа се качува на креветот и ме чека заедно да спиеме. Да живеев сама ќе се распаднав! Со Маза никогаш не сум сама – раскажува пејачката.
