Песната „Починка“ во изведба на „Банкрот блуз бенд“ доби и своја видео приказна.
Спотот, кој денеска е премиерно пуштен пред јавноста, е снимен на вистинска локација, во кафе-барот „Олд Скул“ во центарот на Скопје, а го режираше Димитар Маневски.
Инаку, „Починка“ е првпат изведена на „Скопскиот фестивал“ во далечната 1976 година, а ја отпеа познатата хрватска пејачка Зденка Ковачичек. Музиката е на Љупчо Константинов, а песната е дело на Блаже Конески.
Да потсетиме,
После 30 години, легендарните „Банкрот блуз бенд“ – Сашо Гигов – Гиш, Петар Ренџов и Игор Атанасоски – Харе се собраа повторно за да му оддадат почит на големиот Блаже Конески.
Песната е обработена во нивен препознатлив блузерски стил. Аранжманот го направи Игор Атанасоски – Харе, а продукцијата е на Мите Димовски – Тралала студио.
– Да ја прославиме 100 годишнината од раѓањето на великанот Конески со убава македонска песна! – порачува бендот, а ние се радуваме на нивното враќање на сцената!
