Веста за смртта на Чак Норис доби уште поголема емотивна тежина откако повторно во фокусот излезе неговата последна објава на Инстаграм. Само десет дена пред смртта, легендарниот актер и мајстор на боречки вештини го прослави својот 86. роденден со видео на кое покажа дека и понатаму е во завидна форма.
Чак Норис, кој почина на 87-годишна возраст, во последната објава на социјалните мрежи делуваше силно, ведро и разиграно.
Во видеото објавено на 10 март, на неговиот 86. роденден, покажуваше боречки движења во тропско опкружување и со насмевка порача: „Не стареам. Само преминувам на повисоко ниво.“
View this post on Instagram
Во описот на видеото напиша и порака која денес звучи особено потресно: „Денес имам 86! Нема ништо подобро од малку разиграна акција на сонце за да се чувствувате млади. Благодарен сум за уште една година, добро здравје и можност да продолжам да го правам она што го сакам“, порача Норис, заблагодарувајќи им се на обожавателите за поддршката која, како што истакна, му значела повеќе отколку што некогаш ќе може да изрази.
Веста за неговата смрт беше потврдена денеска, откако семејството соопшти дека Норис починал еден ден претходно, опкружен со најблиските. Тој беше еден од најпознатите акциски актери на својата генерација.
Затоа неговата последна објава денес носи посебна тежина. Во неа немаше ништо драматично или навестување дека само неколку дена подоцна ќе пристигне веста која ќе ги растажи обожавателите низ целиот свет.
