Тиктокерката Ноа Миливојев беше брутално убиена и распарчена, а главен осомничен за ова грозоморно злосторство е нејзиното момче Огњен Д.
Огњен бил сомнителен од самиот почеток и бил сослушан како дел од истрагата, тогаш за исчезнувањето на Ноа Миливојев, кое било пријавено на 17 јуни.
Вчера бил врзан со лисици, и притиснат од доказите тој го признал грозоморното убиство.
Но, полицијата се сомнева дека Огњен Д. имал соучесник, и дека дури и самиот да ја убил Ноа, тешко дека сам ќе го распарчел нејзиното тело, пишуваат српските медиуми.
Затоа полицијата во рамките на истрагата одблиску ќе ги испрашува неговите пријатели, познаници и членови на семејството со кои најчесто бил во контакт, како и ќе ги преиспита нивните движења по 17 јуни, кога Ноа последен пат била видена жива.
За потсетување, Огњен Д. (33) е осомничен дека ја убил Ноа Миливојев (18) во стан во центарот на Белград, а потоа ѝ го распарчил телото.
Станува збор за злосторство од страст, односно убиство извршено од љубомора.
О.Д. е уапсен вчера, откако полицијата во бањата од станот ги пронашла остатоците од телото на Ноа Миливојев. Телото било испратено на ДНК анализа, а биле пронајдени и розовите кикички по кои била препознатлива.
Во меѓувреме, на социјалните мрежи, преку срспките медиуми кои ја објавија денес, почна да циркулира и фотографија од убиецот.
