21 декември е зимската краткоденица. Од овој момент, дневните часови ќе почнат да се зголемуваат. Но овие астрономски фактори не влијаат директно на времето.
Во старите денови се велело дека на денешен ден – кога почнува зимата: „сонцето се претвора во лето, а зимата – во мраз“.
Според метерологот Славчо Попоски продолжува подолгиот период на стабилно, суво и сончево време. Во ноќните, утринските и претпладневните часови по котлините ќе има појава на магла и значителна ниска облачност. Ќе дува слаб ветер од променлив правец. Температурите во следниот период ќе бидат во пораст, особено за врме на викендот и истите ќе бидат натпросечно високи за овој период од годината и ќе се искачуваат во интервалот од 7 до 14 степени. Во најтоплите југоисточни предели температурата можно е да се искачи дури и над 15 степени.
