Првата љубов на пејачката и актерка, почина на ссамо 51-годишна возраст, јавуваат американските медиуми.
Дејвид Круз кој љубовта со Џенифер Лопез ја започна уште додека оделе во средно училиште и имале по 15 години, почина во Њујорк после болест на срцето, пишува TMZ.
Овој портал додава дека неговата долгогодишна партнерка Иса од него се збогувала со зборовите:
„Беше нежен и полн со љубов“
Таа истакна дека Круз бил и посветен татко и дека ѝ помагал во одгледување на нејзиниот син од претходната врска.
„Секогаш се трудеше се да заврши со зборовите – те сакам“, истакна таа.
Дејвид врската со Џенифер Лопез ја започна во 1984 година, а нивната среќа траеше 10 години, но пејачката дури и години после нивното раскинување зборуваше најубави работи за него. Во едно нејзино интервју од 2004 година, таа го нарече Круз свој пријател и откри:
„Тој веројатно ме познава подобро од било кој“.
