Борбата меѓу филмовите „Барби“ и „Опенхајмер“ продолжува, а иако едниот има поголеми бројки, се очекува другиот да заработи повеќе.
„Барби“ на Грета Гервиг и „Опенхајмер“ на Кристофер Нолан, два многу различни летни мега-хит филмови се борат за рекорди на кино благајните. Овие два филма беа објавени во САД во ист ден, а интересот меѓу нивните обожаватели стана вистинска интернет сензација.
Сепак, зигледа дека Опенхајмер победи, барем во однос на оценките на базата на податоци за филмови, ИМДБ. Филмот досега е оценет од повеќе од 39.000 луѓе, а оцената му е 9/10. Чиста десетка му дале повеќе од 21 илјада гледачи, а единица му дале само 600 луѓе.
Барби досега е оценета од повеќе од 17 илјади луѓе, а има оценка 7,8/10.
Иако има помали оценки, се проценува дека филмот „Барби“ сепак ќе заработи повеќе пари. Според проценките, филмот „Барби“ би требало да има профит од 95 до 110 милиони долари и тоа само во Северна Америка. Додека за истата област се проценува дека ‘Опенхајмер’ ќе заработи 50 милиони долари.
