Харис Џиновиќ потврди дека се развел од сопругата Мелина Џиновиќ, а во таа прилика за медиумите откри дека неговите деца Кан и Џина тешко го поминале тој период. По одлуката за развод, модната дизајнерка се иселила од луксузната вила во Сењак, и си купила стан во елитниот дел на Белград каде што живее сама.
Децата, синот Кан и ќерката Џина, останале да живеат со својот татко во вилата.
Да потсетиме, неодамна Харис Џиновиќ за „ИнМагазин“ потврди дека тој и Мелина ставиле точка на бракот.
– Ја знае причината… Ме остави, јас не ја оставив. Не знам ништо, обично велат изневерениот маж последен дознава. Луѓето велат дека разводот после смртта е најтешката работа. Малку би го негирал тоа. Како? Па добро, ако не ти се допаѓа да бидеш со мене, нема да бидам ни јас со тене – изјавил Харис Џиновиќ.
Инаку, пејачот Харис Џиновиќ во 2021 година со семејството се всели во својата вила во Сењак, која ја градеше од 2017 година. Во овој проект пејачот инвестираше, како што пишуваше, околу 2 милиони евра, а работите траеја толку долго бидејќи постојано ги менуваше плановите, а веќе изградените ѕидови се уриваа, за се да се вклопи во неговата визија за идеален дом, за кој пејачката и јавно проговори.
