Српскиот пејач Никола Роквиќ неодамна ја заврши својата хуманитарна мисија кога пешачеше од Белград до Егина за да собере пари за детска онкологија, а неговиот подвиг го следеше целиот регион.
Сепак, Никола Роквиќ не застана тука, а сега откри како напредува неговата нова мисија. Имено, пејачот ги ставил патиките со кои стигнал до манастирот Свети Нектариј Егински на аукција, која сега е завршена.
Како што откри Никола, на цифрата што веќе ја собрал во мисијата биле додадени дури 530.000 динари.
– Драги луѓе, аукцијата на патики заврши. Со Божја помош собравме дополнителни 530.000 динари. Сега се приближуваме до бројката од 43 милиони динари. Во наредните денови ќе ве информираме во која институција дополнително ќе ги насочиме средствата што ги собравме, покрај во Белград и Ниш, како и до каде сме стигнале со набавката на потребните апарати – напиша Никола на својот профил на Инстаграм, а потоа додаде:
– Еден наш чекор и добра волја меѓу нас со Божји благослов се доволни за да започне прекрасен круг на радост, љубов и хуманост. Слава на Бога и благодарност за сè.
