Креативниот директор на „Гранд“, Саша Поповиќ, почина во болница во Париз каде последните месеци се лекуваше од рак на желудникот, оставајќи ги зад себе сопругата Сузана и ќерката Александра, но и неизбришлив белег на српската јавна сцена.
Саша беше одговорен за кариерите на многу пејачи и пејачки, но и водители и водителки. Една од нив, која за сè му е вечно благодарна е водителката на музичкото натпреварувачко шоу „Ѕвездите на Гранда“, Сања Кужет.
Таа сега на својот Инстаграм се прости од Саша со емотивни зборови, нагласувајќи дека ништо нема да биде исто на музичкото натпреварување без него и додаде колку навистина бил голем човек.
View this post on Instagram
„Среќа е ако имаш можност да запознаеш големи луѓе во животот од кои можеш да научиш многу. Сале ми даде шанса да учам, да се докажувам, да остварам и да уживам во мојата работа секој ден. Веруваше во мене, затоа и го промени курсот на мојата професионална кариера и ја крена на највисоко ниво. Повеќе од една деценија соработка направи да станеме пријатели. И сега слушам: „Ајде Сајка, сега она твоето, најјсилно!“, почнала таа и додала:
„Ти ветувам Сале, ќе биде уште посилно, но останавме без лидер… Вакво сценарио не смееше да се случи, не е фер… Празно е… И ќе биде… Ти благодарам за сè, голем Поповиќ“, порачала таа.
