Пејачката Милица Тодоровиќ моментално ги полни батериите на море, од каде што се огласи на Инстаграм.
Милица објави фотографија за која нејзините следбеници не престануваат да коментираат.
Милица Тодоровиќ остана верна на својот природен изглед и не подлегна на трендовите на естетската хирургија.
Тврди дека нема ништо против естетската хирургија, но гордо ги носи малите гради и не планира да ги зголеми и да ги замени со силиконски.
– Не се жалам дека имам мали гради, ги сакам такви какви што се! Немам потреба да ставам силикони. Само помислата дека треба да ми ги сечат градите на местото каде што се жлездите и каде што треба да дојам ми го превртува желудникот. Немам сила за тоа – рече Милица и додаде:
– Не сум против силикони во градите. Ако жената навистина треба да ги зголеми градите и не е задоволна од својот изглед, тогаш треба да го направи тоа. Ми велат: „Ајде, Милице, ќе ти платиме за едниот силикон, а ти плати за другиот.“ Еден клавијатурист кој работи со мене со години еднаш ми рече: „Леле, ајде, Милице, стави малку нешто во градите за да заличиш на нешто.“ Се смеам на тоа.
Таа исто така додаде дека секогаш е задоволна од својот изглед, дури и кога има вишок килограми:
– Никогаш не паднав во депресија поради мојата тежина. Кога ќе претереам со јадењето, само ги намалувам оброците и тоа е тоа! Се обидувам да балансирам. Кога сум нервозна и некој ми дава да јадам салата, би можела да го задавам – изјави таа еднаш за локалните медиуми.
