Едита Арадиновиќ пред 20тина дена ја роди малата ќерка Зоја, на која оттогаш е целосно посветена. Иако на помош ѝ доаѓаат таткото на детето, Ненад Стевиќ, мајката и сестрата, поголемиот дел од времето таа е сама со својата ќерка.
Едита не криеше дека бременоста ја променила и дека ова искуство во неа родило мајка со ставови, кои сега многу активно ги споделува на мрежите.
Овој пат, на својот Инстаграм, таа се осврна на популарната тема за достапноста на мајката за бебето.
– Но, тоа секогаш ќе ме бара. Да, сè додека му требаш – ќе те бара. А потоа, парадоксално, токму од оваа сигурност почнува да истражува. Дете кое има сигурна база полесно тргнува да го истражува светот затоа што има каде да се врати – се вели во објавата на Едита.
Понатаму, пејачката го дели ставот дека совршен родител не постои:
– А што ако не можеш секогаш да дојдеш? Не мораш. Не постои совршен родител. Нема да одговорите на секој плач истовремено. Понекогаш ќе бидете уморни, понекогаш ќе мора да одите во тоалет, понекогаш прво ќе мора да завршите нешто друго. Безбедната врска не бара совршенство, туку стабилна, топла и соодветна грижа со текот на времето – се наведува во објавата, со која пејачката целосно се согласува.
Сепак, овие ставови за родителството често се предмет на полемики на социјалните мрежи.
Да потсетиме, таа неодамна се огласи во јавноста и откри низ каков период поминала пред да се породи, како и како одредени луѓе се однесувале кон неа, и по породувањето и пред него.
