Кристина Спалевиќ, сопругата на Кристијан Голубовиќ, по две породувања одлучи да го врати своето тело во форма во која било пред бременостите.
По бурниот период и бројните расправии со победникот на „Фарма“, Кристина реши да направи голем естетски зафат и замина во клиника за пластична хирургија, каде што изврши пет операции во исто време.
На социјалните мрежи таа им се обрати на своите следбеници и откри што сè направила:
„Едвај чекам да се вратам дома. Овие неколку дена се најтешки. Вчера во 17 часот ми заврши операцијата, а денес веќе двапати прошетав. Направив липосукција на стомакот, шиење на дијастаза, отстранување на вишок кожа, подигнување на гради и импланти“ ,изјави Кристина.
Кристина не ја криела својата среќа и задоволство поради направените интервенции и истакна дека опоравувањето тече одлично.
Инаку, по скандалозниот раскин, Кристијан и Кристина повторно се помирија и неодамна покажаа каде живеат, споделувајќи фотографии од својот стан.
