Една од најубавите српски водителки Марија Килибарда го очекува своето прво дете со избраникот Бане Вучелиќ. Водителката со месеци криеше од јавноста дека е бремена, но сега гордо го покажува својот труднички стомак и не ја крие среќата поради доаѓањето на наследничката.
Како што сега пишуваат медиумите, водителката на почетокот на бременоста избрала приватна клиника, а за породувањето издвоила значителна сума.
– Штом дозна дека е бремена, Марија одлучи да се породи во една позната приватна клиника. Таа се определила за болницата во Белград во која оделе многу познати дами и во која работат водечките шефови на гинекологија, а Бане ја поддржал во таа одлука – рекол изворот и додал дека брачните партнери го избрале најскапиот пакет што им се нуди на родилките.
– Сеопфатниот пакет што го избраа идните родители ќе чини нешто помалку од 5.000 евра. Освен што Марија ќе има свој апартман со сите неопходни работи, вклучувајќи телевизор, интернет и посебна бања, како и бокс за новороденчето, таа ќе има и 24-часовна нега, но и превентивни прегледи по породувањето, како и третмани за најбрзо можно опоравување од породувањето – навел изворот и истакнал дека токму Бане бил тој што ја убедил Марија на најдобрите можни услови.
– Сите знаат дека Марија е скромна, па никој не се изненади што и таа беше за опцијата да се породи во некое од државните породилишта. Од тоа ја одговори Бане и ѝ објасни дека не постои опција да се штеди на породувањето и бебето. Токму тој го избра најскапиот пакет во приватното породилиште и јасно ѝ стави до знаење дека финансиите не се нејзина грижа и дека ќе ги има најдобрите можни услови кога ќе ја раѓа нивната ќерка – заклучува изворот за српски „Ало“.
