Чедомир Гиевски работел во Окта, а последниве пет месеци е во пензија. Но, ако случајно помисливте дека пензионерските живот значи лежење, одморање, гледање телевизија…е, не е баш така! Чедомир дури сега има полни раце работа. Па погледнете ја само оваа рацутена убавина, зеленило, ред и мир, и замислете си колку труд стои зад дворот.
– Со цвеќиња се занимавам некаде 35, можеби и 40 години. Самиот се грижам за нив, освен за поливање понекогаш кога не сум дома, кога сум на одмор и слично, мајка ми, и синот ги преземаат обврските – ни вели Чедомир.
Вели дека дворот е мал, околу 150 квадратни метри, а ние двапати препрашуваме – мал? Зарем 150 квадратни метри се малку?! Ама, очигледно Чедомир е скромен, иако сме сите сигурни дека ова обработено парче земја е сосема доволно за и растенијата да си имаат своја комоција под сонцето.
Инаку, дворот се наоѓа пред населбата Радишани, Скопје.
– Во дворот доминираат три видови цвеќиња. Леандри, бугенвилии и хибискуси, имам уште 10-15 други видови – ни објаснува овој господин.
Секојдневно на цвеќињата им посветувал најмалку 2 до 3 часа додека бил зафатен со работното место, но сега – уште повеќе, или како што вели – од изгрејсонце до зајдисонце.
– Сега кога сум во пензија и повеќе време сум со нив од изгрејсонце до приквечер. Омилено цвеќе ми е бугенвилијата. Преку зима повеќето ги внесувам во затворен осветлен простор каде не се затоплува, одвреме -навреме поретко залевање може и прихрана на некои“ – ни раскажува Чедомир и додава – Цвеќињата се како децата, мора да ги сакате и да им се посветите. На време да ги снабдите со вода, прихрана, навреме да ги проверите лисјата, цветовите, да не има лиснати вошки и навреме да се третираат.
Инаку, Чедомир е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија.
Фо
Фото – приватна архива
Македонски двор во Германија кој одзема здив: Ане ни ги отвора вратите на цветниот рај
