Познатата водителка Јована Јеремиќ често нагласува колку ги сака коњите, а јавањето е хоби кое за момент ја оддалечува од градската врева. Сепак, колку и да го сака јавањето, овој спорт носи и доза на ризик, особено за оние кои сè уште се во процес на совладување на техниката.
Токму ова го докажа најновата објава на Јована на Инстаграм, во која таа сподели со своите следбеници драматичен момент што го доживеала.
– Денес ја погледнав смртта во очи и победив – напиша Јована на почетокот на емотивната објава, а потоа откри дека за време на јавањето доживеала многу ризична ситуација што лесно можела да заврши трагично.
Имено, коњот што го јавала водителката во еден момент почнал неконтролирано да галопира, иако Јована, како што самата наведува, сè уште не ја совладала оваа техника на јавање.
– Денес буквално можеше да ме убие, но му простив. Ги пуштив уздите и тој започна галоп од 60 секунди, а јас не знам како да галопирам. Знам само како да каскам. Успеав да го контролирам со сила против стравот. Никогаш не покажувај страв на коњ. Едноставно не сакав да му го покажам тоа. Ги повлеков уздите најсилно што можев и тој застана. Ја погледнав смртта во очи и победив – рече Јована.
