Се бара девојка која личи на Кејт Мидлтон. Нетфликс започнува со кастинг за „The Crown 6“.
По принцовите Хари и Вилијам, сега се бара соодветна актерка за улогата на војвотката од Кембриџ.
Најавата за потрага по идеална кандидатка, на Твитер ја објави Кејт Боун, кастинг директорка. Заинтересираните треба да испратат своја фотографија на која личатна 18-годишната Кејт Мидлтон, односно на војвотката во раните 2000-ти. Шестата сезона на The Crown всушност го опфаќа периодот од смртта на Лејди Дијана до раните години на новиот милениум, кога Вилијам ја запознава Кејт на Универзитетот Сент Ендрју, во Шкотска. И знаеме што понатаму следуваше.
Casting Call for KATE MIDDLETON (18yrs). Please pass the word to any budding young actors! See Notice attached. Thanks as always… pic.twitter.com/JlxBvSSbbJ
— Kate Bone (@KateBoneCasting) April 26, 2022
„Бараме силна физичка сличност. Ве молиме погледнете ги добро фотографиите за референца. Снимањето ќе започне кон крајот на август 2022 година, во Велика Британија. Не е потребно претходно професионално искуство“ – се наведува во барањето.
И се нагласува дека „на младите актерки и нивните семејства ќе им се обезбеди сета потребна поддршка“.
Под објавата – твитот на Кејт Боун веќе почнаа да се пријавуваат девојки кои мислат дека личат на Кејт, а со надеж дека ќе бидат контактирани.
А вие? Познавате некој што личи на Кејт? Или личите на неа баш вие? Еве ви супер шанса за добра заработувачка, а секако и за брза слава.
