Хрватската пејачка Северина за новогодишната ноќ настапуваше во Котор, Црна Гора, каде со една реченица успеа да направи скандал. Пејачката ги изведе своите најголеми хитови, а на полноќ ја отпеа познатата песна „Иванова корита“.
Таа на крајот од концертот ѝ ја честиташе Новата година на публиката и извика: „И не ја давајте Црна Гора!“, предизвикувајќи лавина коментари и критики на социјалните мрежи.
Сега пејачката за хрватските медиуми проговори за новогодишната порака, која предизвика бура кај Србите.
– Мир Божји, Христос се роди… И деца, заштитете ја Србија од омраза и насилство – изјави кратко пејачката.
Инаку, откако Северина ја испеа „Иванова корита“, која во оригинал ја изведува српската пејачка Мерима Његомир, ѝ се обрати Љубица Његомир, ќерката на покојната ѕвезда на народната музика.
– Таа ја пее песната на мајка ми, српска пејачка, компонирана од Србин“ – изјавила кратко и јасно Љубица Његомир на социјалната мрежа Икс, поранешен Твитер.
