Рокерот Милиќ Вукашиновиќ неодамна ја напушти болницата каде помина четири месеци на рехабилитација откако му беше ампутиран дел од ногата.
Доби протеза и редовно вежба и се надева дека што поскоро ќе може да оди без никакви помагала.
– Добро сум, вежбам низ дома, блиску сум да ги фрлам сите помагала и да застанам на нозе. Поминаа 10 дена откако се вратив дома, поминав четири месеци во болница за рехабилитација, таму е посебен свет. Кога се сеќавам на првиот пат кога влеговме, 120 луѓе, некои без една нога, некои без двете нозе, има и жени. Најважно е да си добар во главата, да бидеш храбар, а да си храбар значи да го продолжиш своето искуство во животот како што било пред да ти се случи лошото, тоа лошо не смее да го расипе – рекол Милиќ, а потоа открил дека сѐ уште има болки, но дека тие се многу послаби од порано:
– Сè уште имам некои од тие фантомски болки, но тие се многу послаби. Кога ќе ја симнам протезата, секогаш се чувствувам како ногата да ми е спуштена, и тоа пецка, пецка и пецка. Јас стенкам, па Сузана ја фаќа паника, но сè доаѓа од главата, медицината не може да ги објасни тие фантомски болки.
