Ногата на Милиќ Вукашиновиќ му ја ампутирале денеска, 3 декември, по што музичарот дал изјава за српски „Информер“ и открил детали за неговата состојба.
Милиќ се јавил на повикот од болничкиот кревет, само неколку часа по операцијата и во таа прилика истакнал дека долго време имал проблем и дека ампутација била неизбежна.
– Утринава ми беше ампутирана ногата. Се борам со години. Лани ја оперирав левата и тоа беше успешно, бидејќи крвните садови беа подобри. Подоцна дознав дека имам четири невризми од десната страна, но тоа не беше страшно. Имав огромна болка во потколеницата. Отидов на скенирање, кога се покажа дека многу малку крв влегува во стапалото. Стапалото беше најголемиот проблем. Јас сум крив затоа што сум го форсирал со одење, за да можам да свирам концерти. Тоа ме чинеше нога. Страдав, трпев… Отидов и во хипербарична комора, електромагнетни бранови… Отидов и во две бањи… Ништо не помогна, само се влошуваше и полошо. На крајот реков: ‘Луѓе, не можам да бидам таков пациент, да бидам осакатен поради комплекс’. Сè уште сум во болница, имав неверојатни лекари. Анестезиологот ми ги одвои двата пршлени и таму ми даде две инјекции. Сè беше направено под локална анестезија. Ништо не почувствував – изјави Милиќ Вукашиновиќ за „Информер“.
Да потсетиме, Милиќ Вукашиновиќ на крајот на 2023 година мина неколку недели во болница поради инфаркт, но поради компликациите кои настанаа осум дена помина на интензивна нега. Самиот музичар еднаш спомна можна ампутација на ногата, што, за жал, се случи денеска.
