Српската пејачка Дара Бубамара тешко го прифати заминувањето на креативниот директор на „Гранд“ продукција, Саша Поповиќ, кој почина на 1 март по кратко и тешко боледување.
– Многу ми е тешко. Ние зборувавме доста често. Уште кога почнував со бендот во Нови Сад, Саша доаѓаше да ме гледа. Ја немав ни снимено мојата прва песна, а тој ме бодреше да бидам посебна и различна. Кога станав позната, зборуваше дека јас и Брена ги имаме најубавите имиња на естрадата. Сега кога го нема Саша, како да исчезна естрадата. Секогаш беше тука, постојано ме фалеше за сè – рекла Рада за хрватското радио „Екстра ФМ“ и раскажала како дознала дека Саша е тешко болен:
– Летоска се слушнавме. Пеев во Хрватска, па Словенија, Црна Гора… Ми се јави на видеоповик и ме праша кога доаѓам во Белград, бидејќи јас и тој многу сакавме автомобили. За тоа најмногу зборувавме, каков автомобил вози тој, а каков јас. Ми рече да изберам дали сакам бело или црвено ферари. Реков дека сакам бело, црвено веќе возев. Буквално помина малку време и јас слушам дека се разболел.
Дара Бубамара само два дена пред смртта, разговарала со Поповиќ, кој ѝ рекол дека е многу лошо.
– Му пишав и го прашав дали е тоа вистина или некое озборување. Ми напиша: „Вистина е Даро!“ Јас само реков: „Оф!“ Потоа, се слушавме секој втор-трет ден, затоа што не сакав да му додевам. Имаше фази: „Се држам, се борам, добро е“, а два-три дена пред смртта му пишав да му кажам дека мислам на него секој ден и како е. Ми напиша: „Лошо сум Даки, но се борам!“ Му реков дека тој е мојот Сале и дека тој ќе го протурка тоа, бидејќи тој е мојот борец. Кога слушнав дека починал, не ми беше добро, непрекинато ми се грчеше желудникот. Сите мислевме дека ќе се извлече. На погребот ми беше многу лошо.
