Помладиот брат на фолкерот Дарко Лазиќ, Драган Лазиќ, кој исто така е пејач, откри дека неговата роднинска врска со пејачот му попречила во кариерата.
Имено, Драган во една емисија искрено проговори за односот со својот брат, а неговата изјава ја сподели и Дарко Лазиќ.
– Тоа што сум брат на Дарко само ми одмогна. Новинарите ми се јавуваат, немам мир, затоа ги избегнувам медиумите – изјавил Драган Лазиќ.
Признава дека не сака јавно да се експонира, бидејќи како што вели сака да си ја зачува приватноста.
– Дарко е постар од мене, го советувам, но нема да го прифати мојот совет бидејќи сум помлад. Кога бевме помали, повеќе го тепав затоа што беше дебеличок. Деца како деца, тој период мора да помине – изјавил Драган за „Хајп“.
Популарниот пејач реагираше на неговата изјава со објава на својот Инстаграм.
– Кога бато ме фали – напиша Дарко со емотикони кои плачат од смеа.
Инаку, неодамна во јавноста се вртеше за врската на мајката на Дарко и нејзиното момче Драган Пауновиќ, со кој таа наводно се омажи.
