Во 2007 година, Марија Шерифовиќ ја претставуваше Србија на Евровизија со песната „Молива“ и го освои првото место. Таа во ново интервју раскажа што ѝ дал тогашниот претседател на Србија откако ја донесе Евровизија во својата земја.
Најголемата благодарност – аплаузот, ја добив од луѓе кои се со мене 20 години, кои стареат со мене. Што се однесува до државата, тоа не ме интересира премногу, изјави пејачката
– Низ историјата можевме да видиме дека, без разлика дали се работи за музика, уметност, која било од оние сфери кои заслужуваат какво било признание, тоа речиси никогаш не се случило. Така што, не ми пречи. Најголемата благодарност – аплауз, добив од луѓе кои се со мене 20 години, кои стареат со мене. Што се однесува до државата, тоа не ме интересира премногу, си обезбедив и направив сè за себе – изјави таа во интервјуто и се присети како Александар Тијаниќ тогаш предложил Марија да добие награда од 80 илјади евра.
– Се сеќавам што рече тогаш господинот Тијаниќ, тоа не се случи, а јас отидов на прием кај тогашниот претседател Борис Тадиќ. Тој праша: ‘Што да направам за тебе?’. Што да му кажам? Не ми треба ништо, мислам што би направил, јас направив повеќе за тебе, не треба ти да правиш ништо за мене. Добивме вратоврска и бонобниера, тоа е тоа, тоа е единствената вистина – изјави Марија.
Додала дека вратоврската му ја дала на менаџерот затоа што таа не ја носела, а бонбониерата ја задржала за себе.
– Нема врска. Па кому му е гајле, еј, не ми треба никој да ми каже „благодарам“! Го направив тоа за нашиот народ, за барем еден ден во годината да бидеме горди, горди Срби, Балканци, што и да е – изјави таа.
