Доделувањето на престижните Британски музички награди „Брит“ се одржа синоќа по 40-ти пат, а иако никој не го повтори успехот на Били Ајлиш од доделувањето на Греми наградите, раперите Стормзи и Дејв, како и пејачите Луис Капалди и Мејбел успеаја да се профилираат како ѕвезди на вечерта.
Церемонијата, третпат по ред, ја водеше комичарот Џејт Вајтхол.
Првата награда ја однесе раперот Стормзи, победувајќи ги Хари Стајлс, Луис Капалди и Дејв во категоријата за најдобар соло уметник.
Англиската пејачка Мејбел ги отвори Брит наградите со својот живописен настап и песната „Don’t call me up“, а потоа ја однесе наградата за најдобра соло уметничка.
Mabel opening at the #BritAwards2020 pic.twitter.com/VFh4hD45k4
— Mabel Now (@MabelLatest) February 18, 2020
За најдобар млад уметник е прогласен Луис Капалди (23), кој на сцената се појави со шише пиво во рака.
Lewis Capaldi’s “speech” not censored #Brits2020 #LewisCapaldi pic.twitter.com/Iykm85fzZO
— vica ? (@naranjo_vicalic) February 18, 2020
Младата музичка ѕвезда, 18-годишната Били Ајлиш, ја однесе наградата за најдобра интернационална музичарка, а воедно и за првпат имаше прилика во живо да ја изведе насловната нумера за новиот филм за тајниот агент Џејмс Бонд – „No time to die“.
– Морам да ви кажам нешто што ми текна вечерва. Неодамна се сетив дека многумина ме мразат, а кога се искачив на сцената и ве видов сите вас како ме гледате со насмевка, тоа ме наведе на солзи и чувствувам дека сега би можела да заплачам. Така што, ви благодарам – изјави Били во својот емотивен говор.
Иако се враќаат дома со празни раце, посебно внимание на церемонијата на доделувањето на наградите привлекоа Хари Стајлс и Лизо со своите настапи, а како изгледаше тоа можете да погледнете на следните снимки…
