Јорданскиот крал Абдулах Втори и кралицата Ранија на 10 јуни ќе прослават 29 години брак и важат за еден од најхармоничните парови на јавната сцена кои никогаш не ја криеле својата наклонетост еден кон друг и кои три децении го водат Јордан и извршуваат бројни државни должности.
„Како да не се заљубите во оваа насмевка, одново и одново, од година во година. Толку сум среќна и благодарна што си покрај мене“, напиша кралицата Ранија во една прилика.
Се запознале во август 1992 година, на вечера кај сестрата на Абдула – принцезата Ајше, со која убавата Ранија била блиска пријателка.
Јорданскиот крал во една прилика опиша како изгледа овој момент.
-Кога ја погледнав, си помислив: „Колку убава дама. Имаше 22 години и не поминуваше многу време во Јордан, бидејќи пораснала во Кувајт и се преселила во Јордан за време на Заливската војна.
Абдулах се обидел да и се јави по вечерата, но Ранија била тврд орев. „Слушнав некои гласини за тебе“, му рекла таа, но тој имал подготвен одговор: „Не реков дека сум ангел, но половина од тоа што си го слушнала за мене се само празни приказни“.
View this post on Instagram
Идниот монарх побарал од заедничка пријателка да и каже на Ранија дека има сериозни намери, но таа сепак одбила каков било контакт.
Откако Абдулах во ноември ѝ испратил кутија со најдоброто белгиско чоколадо, убавицата попуштила и ја прифатила неговата покана за вечера; а тој дал се од себе и сам го подготвил оброкот!
Нивните пријатели рекле дека Абдулах ја извлекол Ранија од нејзината школка и дека таа ја скротила неговата дива природа.
-Работите се развиваа и почнавме се повеќе да разговараме и да излегуваме заедно. Ја поканив Ранија на вечера на 30 јануари за мојот роденден, а татко ми седеше до мене и беше воодушевен од нејзината убавина и интелигенција. Тој ми се јави истата вечер и ме праша: „Кога сакаш да ги запознаам нејзините родители?
View this post on Instagram
„Ја однесов Ранија на едно од најубавите места – планината на периферијата на Аман Тал Ал-Руман. Излеговме од автомобилот и ѝ реков дека нашата врска оди во вистинска насока и дека бракот е добра идеја. Јас се насмеав, а таа молчеше. Тишината ја сфатив како да. По две недели ги посетивме нејзините родители и добивме одобрение за брак“, открил владетелот на Јордан.
„Имаше неодолива насмевка и енергија со која привлекуваше како магнет. Што да кажам, се е историја. Кога зборувам за нашата прва средба, приказната звучи како бајка, но реалноста е поинаква. Да се биде кралица е всушност работа како и секоја друга“, рече Ранија во едно од ретките интервјуа за нејзиниот приватен живот.
Во февруари 1999 година, Абдула стана крал на Јордан, а Ранија најмладата кралица на светот на 28 години!
Абдула и Ранија имаат четири деца – ќерките Иман и Салма и синовите Хусеин и Хашем.
