Сликите на убиените цивили во украинскиот град Буча „се инсценација“ што ја направија Украинците „по повлекувањето на руските трупи“. Ова го изјави рускиот министер за надворешни работи Сергеј Лавров на прес-конференција на крајот од самитот со колегите од Арапската Лига.
„Руските вооружени сили“, објаснува Лавров, „ја напуштија областа Буча на 30 март и во следните три дена градоначалникот зборуваше на телевизија, велејќи дека градот се враќа во нормален живот, и таму се појавија вооружените сили. Покажаа улици каде што немаше трупови. Па, три дена подоцна веројатно решија да организираат ваква продукција“.
Според Лавров, снимката е „провокација“ и ниту еден граѓанин на Буча не бил подложен на насилство од страна на руската војска.
Лавров вчера најави дека руски функционери на специјална прес-конференција во Њујорк ќе презентираат материјал за поддршка на тезата на Москва, со цел да се „разрешат“ како што тој ги нарекува „невистините“. Русија „ќе инсистира злосторствата на украинските вооружени сили, предводени од националистички баталјони, да не останат без последици“, додаде Лавров, во изјавите што ги пренесе Тасс.
„Побаравме состанок со Советот за безбедност на ОН и нашите британски колеги кои сега претседаваат со него, одбија“, додаде Лавров, а вчерашниот обид исто така не бил успешен зашто „тие рекоа дека треба да ја разгледаат ситуацијата во Украина со сите нејзините аспекти“. „Замислувам, познавајќи ја британската дипломатија, дека целта е да се разјасни оваа специфична лага за Буча со демагошко расудување на украинската криза“, додаде вчера рускиот министер за надворешни работи.
