Песков рече дека Путин ќе го посети Донбас „во догледно време“.
Пoртпаролот на претседателот на Русија, Дмитриј Песков изјави дека во догледно време Путин ќе го посети Донбас, пренесува РИА Новости.
„Во догледно време, ова ќе се случи, се разбира, ова е регион на Руската Федерација“, одговори претставникот на Кремљ на соодветното прашање од новинарите.
Русија на 5 октомври потпиша уредба со која, спротивно на меѓународното право, четири украински региони ги прогласи за руска територија. Регионите кои Путин ги прогласи за руски се: Доњецк, Луганск, Запорожје и Херсон. Во меѓувреме пак, украинската војска го ослободи Херсон од руската окупација.
