1 април е Ден на шегата, традиција е да се игра мајтап со пријателите и роднините. Но, како се родил овој обичај?
Кренете рака ако никогаш не сте направиле шега или не сте биле „жртва“ на шега за 1 април? Првиот ден од овој месец е посветен на традицијата која трае со векови, традиција да се направи смешна шега со пријателите и/или роднините. Ова е традиција што многумина ја поврзуваат со фестивалот Хиларија во антички Рим, дури и ако потеклото не е сосема јасно.
Освен што се верува дека традицијата ја започнале Римјаните, друга легенда вели дека авторството на „Априлската шега“ е француско. Во Франција, всушност, Новата година се славела на 1 април пред усвојувањето на Грегоријанскиот календар. Па така, иако се смениле датумите за прослава, останал обичајот (тогаш карактеристичен за дочек на Нова година) за мајтапи и шеги на овој ден – 1.април. Како се прославувал денот во минатото? Освен со шеги, најчесто со доставување празни пакети на првиот ден од април со зборовите „poisson d’avril“ (априлска риба).
Но зошто априлска РИБА? Од каде пак, риба?
За да се поддржи тезата дека 1-ви април е роден во Франција, постои и теорија за еден настан со рибари. Имено, пролетниот риболов на група француски рибари завршил со задевање од сограѓаните кога се вратиле со празни раце, односно без ништо да фатат.
Изгледа дека терминот „риба“ е избран како синоним за 1.април, затоа што овие животни ја гризат јадицата исто така лесно како и жртвите на шегите!
Први април се слави во Европа од крајот на 1500 година: прва е Франција на кралот Чарлс IX, по што следат Германија на Хабсбурговците и Англија. Во Италија оваа традиција пристигнала за прв пат во Џенова прво во средните високи класи, а потоа ги вклучува сите.
Денот на шегата, денес се се слави низ целиот свет: од Шкотска до Португалија. Во Европа е особено популарен. Секако, традицијата се менува од земја до земја: на пример во Шкотска се нарекува „Ден на Гоуки“ (ден на кученцето) и прославите траат два дена. Во текот на вториот ден, Денот на Тајли, треба да закачите на грбот на жртвата ознака со зборовите „клоцни ме“.
Во Англија, пак, Денот на шегата е „Денот на будалата“ и се слави со изведување на дворски шеги, додека во Германија го нарекуваат „Aprilscherz“ (априлска шега). Конечно, во Португалија, Денот на шегата 1 април се слави со вреќи со брашно што треба да се прелеат врз минувачите.
