Хрватскиот организатор на концерти Марио Ловриќ тврди дека ѝ позајмил на Селма Бајрами 5.000 евра за да направи две нови песни, а потоа таа побарала уште 3.000 евра за да му ги даде на Дејан Абадиќ, но сè уште не му ги вратила, пишува „Курир“.
„Навистина сум разочаран и згрозен од работите со кои се занимава Селма. Иако ми вети дека ќе ми ги врати парите, ништо. Сега објави песна, работи, пееше сега во Америка, заработува, но не ми враќа. Селма ме блокираше на телефон и жално е што некој се занимава со такви работи. Јас и помогнав кога плачеше за пари, а сега нема да одговара и да ги врати парите. Не ми е гајле толку многу. Јас сум успешен маж, но неправдата ме боли и јавно ја прашувам ‘Селма, кога ќе ми ги вратиш парите?’“, изјави Ловриќ за „Курир“.
Да потсетиме, Селмин Џемо, менаџерот на пејачката Селма Бајрами, претходно изјави дека целата приказна нема врска.
„Таа приказна не е важна. Ако нешто не му е јасно нека ме контактира. Таа едноставно немаше никаква врска со тоа. Му оставив да организира настапи низ Хрватска, направи еден настап, кој не го почести“, изјавил Џемо.
Фотографијата од преписката меѓу менаџерот и пејачката може да ја видите ТУКА.
