Кинескиот министер за надворешни работи Ванг Ји денеска ги нарече американските дејствија „манични, неодговорни, крајно ирационални“ и рече дека Кина направила „најголеми дипломатски напори“, но „никогаш нема да дозволи да бидат повредени нејзините фундаментални интереси“.
Коментарите на министерот доаѓаат ден по спорната посета на претседателката на Претставничкиот дом на САД, Ненси Пелоси, на Тајван, кој Пекинг го смета за своја територија.
Инаку, Кина се подготвува за големи воени вежби во морињата околу Тајван по посетата на Тајпеј на претседателката на Претставничкиот дом на САД, Ненси Пелоси. Вежбите – најголемите досега спроведени од Кина околу Тајван – се одговор на Пекинг на посетата на Пелоси на Тајван, иако Пекинг веќе блокираше дел од трговијата со островот. Воените маневри ќе се одржат во фреквентни поморски области и ќе вклучуваат гранатирање од долг дострел, соопшти Пекинг. Вчера Пекинг испрати 27 воени авиони во зоната за идентификација на противвоздушната одбрана на островот. Дваесет и два од овие авиони ја преминаа средната линија на Тајванскиот теснец, соопштува раињуз.
Од друга страна пак, Министерството за одбрана на Тајван известува дека вооружените сили на Тајван „функционираат како и обично и ја надгледуваат нашата околина како одговор на ирационалните активности“ на Народна Република Кина „со цел промена на статус кво и дестабилизирање на безбедноста на регионот“. Во соопштението на Министерството за одбрана на Тајпеј на почетокот на големите кинески воени маневри околу островот се наведува и дека „ние не бараме ескалација, но не застануваме во одбрана кога станува збор за нашата безбедност и суверенитет. Ќе го поддржиме принципот на подготовка за војна без да бараме војна и со став „да не ескалираме конфликти и да не предизвикуваме контроверзии“.
