Односите меѓу Канје Вест и Ким Кардашијан и понатаму се затегнати. Главна причина за кавги се децата, иако се чинеше дека двајцата нашле договор со разводот. Всушност, Је не го крие своето противење што нивната 8-годишна ќерка Норт постојано е на ТикТок. Овојпат токму коментарот на Је беше причина за конфликт со поранешната сопруга.
Вест вечера објави на Инстаграм пост во кој се жали дека нема доволно можности да ги види своите четири деца. Еве ги неговите зборови:
„Ова беше на ранецот на ќерка ми кога ми „дозволија“ да ја видам минатата недела. Ова е причината зошто сум толку посветен на моето семејство и зошто настојувам да го заштитам по секоја цена..Не грижи се Норти, Бог е сè уште жив“.
Кардашијан, заситена од постојаните коментари на Вест одлучи да ја искоментира оваа објава повикувајќи го нејзиниот поранешен сопруг да престане да создава имагинативен наратив на фактите. Според Ким, Канје всушност ги видел децата утрото, а не пред една недела.
„Те молам престани со овој наратив, овде беше утрово и ги зема децата за да ги однесеш на училиште“ – забележа Ким.
