Дејвид Арахамиа, украинскиот преговарач за мировните преговори со Русија, кои моментално се во застој, ја опиша преговарачката позиција на Киев како „прилично слаба“.
Поради оваа причина, засега „не сакаме да седнеме на маса“, но „мораме на некој начин да го смениме курсот“.
И покрај тоа што преговорите беа замрзнати, украинската делегација, додаде Арахамија, имаше телефонски дијалог со руската страна еднаш или двапати неделно:
„Двете страни совршено разбираат дека сега нема простор за преговори“.
Украина губи до 1.000 војници дневно, ранети или убиени, во Донбас каде што Русија напредува, Киев до денес регрутирал еден милион луѓе и има потенцијал за два милиони, додаде тој.
