Познатиот српски пејач Аца Лукас е на сцената повеќе од 25 години, па не е чудно што заработил многу пари, но тој е еден од оние кои никогаш не воделе премногу сметка за што ги трошат.
За тоа колку бил штедлив зборуваше при гостувањето во емисијата „Ексклузив најт“, велејќи дека неговата мајка Видосава била шокирана кога ја видела неговата телефонска сметка.
– Мајка ми еднаш ја доби мојата телефонска сметка и почна да вреска. Бев пријавен извесно време кај неа на адреса. Ми се јавува мајка ми и ми вика: „Дојде сметка за твојот телефон“, ѝ велам „Па дојде и што“, „Па како можеш да платиш 70.000“, си мислам, како 70.000, јас плаќав 150, 200, 220, 250 илјади. Знаеш, роаминг, ѝ велам да ја донесе сметката. Сметката беше 700.000. Таа ја видела нулата, но воопшто не ја регистрирала. Не сакала ни да помисли дека е можно на сметката да има пет нули – раскажал Лукас за споменатата емисија.
Инаку, Аца Лукас неодамна беше на премиерата на филмот снимен според животот на пејачот наречен „Покидан“ (Искинат), на која биле присутни и неговите колеги и семејството.
Во публиката биле мајката на Аца, Видосава Вуксановиќ, како и најстариот син Лазар Вуксановиќ, придружуван од сопругата Ана, атрактивна бринета со која се ожени минатата година.
Во белградската Арена била и ќерката на Аца, Викторија, која српскиот фолкер ја доби од третиот брак, со Соња Вуксановиќ, заедно со полусестрата Софија Шашиќ, ќерката на пејачот Жељко Шашиќ и споменатата поранешна сопруга на Аца.
