Катарина Живковиќ се породи на 2 август 2024 година и роди син кој го доби името Стефан. Таа по излегувањето од породилиштето не сакала да дава изјави, бидејќи истакнала дека била во „медиумска илегала“ што ја започнала токму пред породувањето.
Но, Катарина неодамна се врати на сцената со новиот албум наречен „Куртизана“, а сега гостуваше во Утринската програма на ТВ Пинк. По тој повод таа откри како се снашла во улогата на мајка, како ги поминала празниците, но и колку е задоволна од новиот албум и песните.
– Одлично се снајдов, како цел живот да сум била мајка. Кога тоа ќе ви се случи, вие најдобро знаете што му треба на вашето бебе. И мама и тато го избраа името. Мама избра, а тато мислеше дека тоа е негова идеја – открила пејачката и проговорила за новиот албум.
– Времињата се такви, не можеш да предвидиш дека нешто ќе стане хит. Знаев дека барем три песни ќе се истакнат. Со оглед на тоа дека имав само еден настап, реакциите засега се одлични – вели Катарина, а потоа зборуваше и за промоцијата на албумот.
– Беше фантастично на промоцијата. Благодарност до сите колеги кои одговорија. Тоа беше првпат сите мои коцки да се соберат. Ако ме прашувате мене, отсекогаш сум била добра, а сега добив благослов од Бога и ветер во грб и мотив да бидам подобра – открива пејачката и додава:
– Доколку некој побара од мене да се откажам од кариерата поради него, тоа би го направил без никаков проблем, иако нема потреба од тоа. Добро се организирав околу сѐ. Стефи е најсаканото бебе, одлично се снаоѓам и тоа е најважно – вели Каќа и открива како ги поминала новогодишните и божиќните празници оваа година.
– Празниците ги поминав скромно, со семејството, но сфатив дека нема ништо скромно во тоа, тоа е всушност најголемото богатство.
