Катарина и Дарко Лазиќ уживаат во бракот кој го круниса со раѓањето на нивната ќерка Срна, а Катарина сега малку се наврати на минатото.
Како што е познато, тие биле во врска како тинејџери, но раскинале и секој тргнал по својот пат. Таа се омажи, тој се ожени и се разведе, потоа имаше многу јавни врски и имаше деца. Катарина сега призна дали била во брак во времето кога двајцата решиле да ја обноват својата љубов.
– Кога ја обновив љубовта со Дарко, почна да се „чепка“ по моето минато, а во тоа време сè уште имав фотографии на Инстаграм на кои носам бурма. Па се пишуваше дека се забавувам со Дарко, и дека сум уште во брак. Тоа не е точно, да речеме дека беше некој „меѓу-период“ – изјавила Катарина.
Катарина призна и дека има предизвици кога си во брак со пејач кој често не е дома, а откри и дека нејзиниот сопруг е љубоморен.
– Често е отсутен поради работата, но навистина нон-стоп сме во контакт. Тој е повеќе љубоморен, тоа може да го потврди, но кога има ваква љубов, љубомората е нормална. Никогаш не ми правел љубоморни сцени, немаше такво нешто. Често ме прашува: „Како е можно никој да не ти се додворува?“, но мене најмногу ме следат жени, не добивам пораки од мажи, нема груби понуди, не ми пишуваат, претпоставувам јасно е дека сум незаинтересирана и сум во среќен брак – вели сопругата на пејачот.
