Марија Шерифовиќ се смета за една од најдобрите пејачки во регионов, а освен по нејзиниот феноменален глас и прекрасните песни, таа е позната и по својата искреност.
Таа никогаш не криела дека има проблем со вишок килограми и дека пред неколку години решила да се посвети на здрав начин на живот.
Не сакала ништо да препушти на случајноста, па затоа се обратила кај нутриционист за да ѝ помогне да ја пронајде најдобрата диета за неа.
За само еден месец, таа ослабела седум килограми, а за напредокот ги информираше своите обожаватели на јутјуб-каналот.
Во текот на првата недела ослабела дури 2,8 килограми.
– Изгубив околу седум килограми за околу триесет дена, агонијата продолжува. Многу познати личности користат разни видови липосукција, јас сакав целосно и радикално да ги сменам моите навики. Сакам здравата исхрана и тренингот да влезат во мојот животен стил, да не бидат нешто краткорочно, туку нешто што е здраво не само за мене, туку и за оние околу мене – изјави тогаш Марија.
Таа истакна дека го започнува денот со зелен чај но и дека она што ѝ одговара нејзе не значи дека ќе им одговара и на другите.
– Ова е план на исхрана кој одговара на мојата тежина и крвна група, и секој треба да си најде соодветен план за себе. Ќе се хранам здраво седум дена, се надевам дека нема да ја прекршам диетата. Зелениот чај е задолжителен, тоа е нешто со кое го започнувам денот – рече Марија.
Кога ќе почувствувала глад, пејачката пиела чаша вода во која ќе исцедела малку лимон.
– На пример, за појадок јадам палента, која е многу повкусна кога е зготвена на путер, но сега ја јадам во вода и со неа консумирам младо сирење кое има малку маснотии, а е убаво. Исто така, сакам овесни снегулки со јаболко, киви, неколку бадеми, можете да јадете и сливи, одлично е. Некогаш, здрав леб што не го јадам често, но е многу вкусен, со мисиркино бело месо, салата и домати, или домашно приготвена пилешка паштета и намаз од сирење – рече Марија во една пригода додека го споделуваше своето мени.
Ручекот ѝ создавал најмногу проблеми бидејќи не сака да јаде готвена храна.
– Ако сакате готвена храна, спасени сте, јас не сакам грашок, зелен грав или пиперки, кои тешко ги варам, и затоа сум осудена на стек, риба или пилешко со сусам еднаш неделно. Не јадам лосос, свински кременадли, значи мора да се води сметка и за тоа. Пилешкото е секогаш добар избор за ручек – додаде таа.
Што се однесува до ужините, таа најчесто јаде овошје, јогурт или кисело млеко со семе од чиа, а за вечера салати и лесно сварлива храна.
– Салата од туна, разни салати, јогурт и така натаму. Но, немојте да ве залажува ова, количината на храна што ја јадете е исто така важна. Исто така, важно е пред да почнете да се храните поинаку, да направите и крвна слика и така натаму – објасни Марија.
