Снимањето на последниот дел од сагата „Јужен ветер“ се очекува да започне во текот на летото или есента оваа година во Виена, Австрија, а како што наведуваат српските медиуми, дел од акцијата ќе се снима во домот на српската пејачка Драгана Мирковиќ.
Филмот ќе го носи насловот „Južni vetar 3: Gas geben“, што во превод од германски значи „дај гас“, а една од локациите за снимање наводно ќе биде замокот и имотот на пејачката Драгана Мирковиќ.
Популарната пејачка и целото нејзино семејство со години ги поддржуваат авторите на оваа приказна на Милош Аврамовиќ, продуцентката Татјана Жежељ Гојковиќ, Милош Биковиќ и Миодраг Радоњиќ, а се очекува епизодна улога да му биде понудена и на нејзиниот син Марко Бијелиќ. Тешко е да се очекува дека и Драгана ќе се испроба како актерка, иако постоела и таква идеја. Во новиот дел нема Руси и Американци, туку приказната се сели во Виена.
Сценариото за третиот дел од филмот настанало по идеја на режисерот Милош Аврамовиќ, а го напишал Петар Михајловиќ.
– Би требало да заврши. Секоја приказна треба да има три чина. Мислам дека сега сме на почетокот на третиот чин и на крајот на тој проект. Мислам дека овие херои треба да се доведат до точка каде што заслужуваат да бидат по сите нивни погрешни избори – рекол неодамна популарниот српски актер Милош Биковиќ.
По тој повод кратко се огласил и режисерот на „Јужен ветар“, Милош Аврамовиќ кој кратко порачал:
– Не можам ништо да коментирам за продолжението на снимањето и за заплетот на филмот – кратко рекол тој.
