Српската водителка Јована Јоксимовиќ пред неколку месеци јавно зборуваше за заболувањето што го има. Јована во април во програма во живо во својата емисија „Уранак“ истакна дека има витилиго, односно депигментација на кожата, а утринава повторно зборувала на таа тема.
Во емисијата „Уранак“ на телевизија К1 водителката угостила дерматолог кој зборувал на оваа тема, а потоа признала дека боледува од витилиго.
View this post on Instagram
– Секогаш кога нешто има удел во имунолошкиот систем, стресот секако може да ја влоши ситуацијата, бидејќи тие клетки сепак се испреплетуваат. Ако нешто е генетски предодредено, преку ваквите случувања, може дополнително да влијае на манифестацијата – рекла докторката, а потоа Јована Јоксимовиќ открила дека боледува од витилиго.
Тоа ја изненадило докторката Јелена Стојковиќ Филиповиќ која ѝ била гостинка на Јована.
– Првпат слушам дека имате витилиго – изненадено рекла докторката.
– Го имам на лицето, на лактот, на раката – додала Јована Јоксимовиќ, со напомена дека го засакала своето витилиго.
View this post on Instagram
Таа исто така откри дека витилигото го смета за сосема незабележливо кај неа.
– Размислувам дека витилигото на мене е целосно невидливо и дека само злобните и завидливите луѓе можат да го забележат. Интересно ми е што тие дамки веќе не се толку бели, изгледа почнаа повторно да се пигментираат – рекла Јована и објаснила дека најдобар совет за луѓето би бил секој да си ги засака своите маани.
