Јелена Карлеуша уште еднаш покажа дека е хуманитарец, па со донации помогна да се спаси животот на уште едно повредено куче.
Познато е дека Јелена Карлеуша е „остра на јазикот“, но кога се во прашање хуманитарните дела , таа ја покажува својата друга, помека страна. Јелена е заколната вегетаријанка и често споделува објави на таа тема, а минатата година спасила две малтретирани кучиња, на едното шепите му ги отсекле злобниците, а другото сопствениците го оставиле на буниште!
Јелена често испраќа храна и пари до здруженијата за спасување животни, покажувајќи дека е голем хуманитарец. Јавноста беше вознемирена од неодамнешното објавување на уште едно злоставување на животните, во кое младо куче се здоби со сериозни повреди на главата, шепата и телото. На интернет кружеле морничави слики, а според упатените, сопственикот намерно го донел несреќното животно до капијата на куќата во која имало две кучиња и намерно ги поттикнувал да го повредат.
View this post on Instagram
Здружението кое беше решено да го спаси животот на ова куче побара помош од сите луѓе за покривање на трошоците за лекување во ветеринарна установа за да му го спасат животот. Сега, со добрата вест за закрепнувањето, тие им се заблагодарија на сите што придонесоа, вклучувајќи ја и Јелена Карлеуша, која очигледно навистина придонела со донација.
„Ти благодарам Јелена, добро закрепнувам и те поздравувам – Оскар“, напишале покрај сликата на кученцето чија борба за живот траела пет часа.
„По операција која траеше скоро 5 часа, Оскар полека се буди од анестезија. Драги луѓе и тој ја чувствува оваа поддршка што ние заедно со сите вас му ја даваме, љубовта е лек за сѐ. Вилицата сега му е поправена и во наредните три недели ќе јаде само мека храна преку шприц , потоа ќе има и контрола, ќе биде третиран со антибиотска терапија. Засега е стабилен и се надеваме на уште подобро закрепнување. Уште еднаш ви благодариме на сите што прашуваат за него, и само така можеме сите заедно да спречиме вакви злосторства да не се повторат, а Оскар е симбол на обединување, храброст и безусловна љубов. Да продолжиме без граници! Ви благодариме“, беше напишано на Инстаграм страната на здружението кое сега се грижи за него.
