Српската пејачка Јелена Карлеуша на социјалната мрежа Икс (поранешен Твитер) објави видео од судењето со Светлана Цеца Ражнатовиќ. Карлеуша тајно го снимила видеото на кое се слушаат само гласови, за време на рочиштето со Цеца.
– Гробовите глочкаат и чесен човек нема тоа да го премолчи, а на другата страна има многу гробови – изјави Јелена.
– Токму еден гроб седи преку патот со очила – одговорила на тоа Цеца.
– Само што ми кажа дека сум гроб со очила. Дали го дозволувате тоа во вашата судница? Ајде, ставете го тоа во записник, и дека адвокатот ви се заканува дека нема да поминете добро – му се обрати Јелена на судијата.
Sudijama kriminalci mogu da prete( i da ih zastrašuju očigledno)… ali meni NE. pic.twitter.com/WPcf9utfhz
— Jelena Karleuša (@karlinbich) October 10, 2023
– Дали сум гроб со очила? Тие што се обидоа да нѐ помират не поминаа добро, но вие не го слушнавте тоа? – продолжи таа.
– Судија, можно ли е таа да крева врева во вашата судница? – додаде Цеца.
ПР службата на Цеца вели дека пејачката не сака да го коментира видеото што Карлеуша го објави на социјалната мрежа. Многумина веднаш коментрирале за тоа дали е дозволено да се снима судењето и дали тоа што го објавила Карлеуша е казниво, без разлика дали процесот е завршен, односно дали е донесена пресуда.
