Јелена Карлеуша проговори и откри зошто повеќе не ја следи на Инстаграм својата пријателка и колешка Милица Павловиќ, што предизвика вистински хаос на социјалните мрежи.
Имено, тие двете беа многу блиски, меѓутоа, пред неколку дена јавноста беше изненадена кога Јелена одлучи да ја отследи Милица, од тогаш нејасни причини за јавноста.
Јелена сега за првпат проговори на оваа тема и во подолг текст објасни „зошто ја донела таа одлука“.
„На Милица многу ѝ помогнав во кариерата. Искрено, несебично, лавовски. На начин на кој ретко кој помага денес. И приватно и професионално, и јавно и без никој да знае, нападнав многу луѓе поради неа, се расправав поради неа… Затоа што јас сум таква. А потоа ми испратија скриншот од многу блиската и неразделна сестра на Милица Павловиќ која споделува петиција на нејзиниот Инстаграм да се затвори мојот инстаграм-профил. Мислев дека не се блиски додека не се уверив во СПРОТИВНОТО. Бидејќи, како да ви кажам, јас на мојата сестра ќе ѝ ја откинам главата, не за Милица, туку за која било пејачка, затоа што со тоа им го напаѓа лебот, интегритетот, нивната работа, правото на говор. Тоа го прават само бедни луѓе. Милица не ѝ рекла на сестра си да ја избрише срамната „петиција“.
Напротив, се снимала со песната на Мадона токму истиот ден кога ја спомнав Мадона, знаете веќе како. Случајно се сетила на актуелната песна на Мадона од 2004. Мене не ми прати ниту порака кога ја отследив од Инстаграм, бидејќи знаеше во што е проблемот, иако пред новинарите како лоша актерка невешто рече дека не ја знае причината. А потоа, среде ЛИНЧОТ што го проживувам и во кој го сквернавеа гробот на мајка ми, во кој ми се закануваат со СМРТ дење и ноќе, таа го закачи ова. Немојте повеќе да ме прашувате за Милица Павловиќ. Нека ѝ служи на чест. А јас… што да правам… јас сум таква каква што сум. Ме сакале, ме мразеле, моето траење покажува многу“, напишала Јелена.
