Познато е дека Новак и Јелена Ѓоковиќ многу внимаваат на исхраната и на тоа што внесуваат во своето тело. Сопругата на познатиот тенисер понекогаш споделува совети за исхрана на социјалните мрежи, предлага вегански алтернативи и великодушно споделува здрави рецепти.
Така Јелена Ѓоковиќ еднаш откри дека редовно пие чај од куркума, кој ѝ помага да остане во добра форма. Куркумата се смета за многу здрава намирница која го обновува целото тело, особено црниот дроб, а освен за зајакнување на имунитетот, се користи и за слабеење.
Куркумата е позната по своето термогено дејство, бидејќи природно ја зголемува внатрешната температура на телото, што го забрзува процесот на разградување на мастите. Ова фантастично растение и „чудо на природата“ го поттикнува метаболизмот, а со тоа и варењето, како и потрошувачката на калории.
Зголеменото количество на масно ткиво во телото предизвикува воспалителни процеси. Интензивното воспаление може да ја намали отпорноста на ткивото на инсулин, што го принудува телото да складира сè повеќе и повеќе калории како маснотии.
Главната активна состојка во куркумата е куркуминот, кој делува на два начина:
Има термогено дејство, природно ја зголемува внатрешната температура на телото и го забрзува процесот на разградување на хранливите материи, особено на мастите.
Куркуминот исто така го забрзува метаболизмот, варењето и согорувањето на калориите.
Покрај куркуминот, синергијата на сите состојки на куркумата влијае на чистењето на целиот организам, особено на црниот дроб. За полесно да ослабеме, важно е редовно да го чистиме црниот дроб, бидејќи тој игра клучна улога во согорувањето на маснотиите. Ако црниот дроб е преоптоварен, неговата работа се забавува, што го отежнува слабеењето.
Како да користите куркума
Најлесен начин да ја искористите куркумата е да ја употребувате како зачин. Особено се препорачува во комбинација со ориз, лиснат зеленчук и мешунки. Исто така, куркумата најдобро е да се додава во црвеното или белото месо.
Чај од куркума за побрз метаболизам
Доколку сакате да го забрзате метаболизмот, да го подобрите варењето и да го поттикнете слабеењето, тоа можете да го постигнете со пиење чај од куркума најмалку 5 дена по ред.
Потребни состојки:
– ¾ лажичка куркума
– 2 големи лажици домашен мед
– 3 шолји вода
Подготовка:
Растворете ја куркумата во вода и варете додека количината на вода не се намали на доволно за 2 шолји. Процедете, додадете мед и, по желба, малку млеко. Пијалакот е подготвен!
