Веста за здравствените проблеми на музичарот Бора Ѓорѓевиќ предизвика големо внимание во медиумите и јавноста.
Според информациите од српските медиуми, фронтменот на групата „Рибља чорба“ моментално се наоѓа во болница во Љубљана каде поради проблеми со белите дробови е приклучен на високо ниво на кислород. Неговата состојба се влошила, а менаџерот на групата „Рибља чорба“, Бане Обрадовиќ истакна дека во моментов не е можно да се изврши никаква операција.
Познатата етно пејачка Билјана Крстиќ, која е сестра на Бора Ѓорѓевиќ, се огласи за актуелната ситуација. Таа истакна дека во последните неколку дена не контактирала ниту со Дубравка, ниту со Бора и дека сите нивни пријатели и семејството со нетрпение го очекуваат неговото закрепнување. Нејзината изјава дополнително ја продлабочи загриженоста на јавноста за здравјето на познатиот музичар.
„Овие денови не онтактирав ниту со Дубравка ниту со Бора, сите очекуваме на Боки да му биде подобро“ – изјавила Билјана Крстиќ за српските медиуми.
Оваа вест предизвика лавина реакции кај фановите и колегите од музичката индустрија, кои преку социјалните мрежи му изразија поддршка на Бора Ѓорѓевиќ и неговото семејство. Многумина се придружија во желбата за брзо закрепнување и изразија надеж дека ситуацијата наскоро ќе се стабилизира.
