Најголемиот тест во светот денес започнува во Велика Британија и ќе трае пробно шест месеци.
Имено оние кои ќе бидат вклучени во овој голем проект, ќе работат 4 дена во седмицата наместо 5 дена, а ќе земат 100 отсто од платата.
Ќе се тестира модел за кој се верува дека ќе им помогне на работниците, на животната средина, па дури и на компаниите, со верување дека во ваков работен модел е иднината.
Станува збор за најголемиот тест во светот досега тестиран, а што се однесува на работната ефикасност, скратени работни денови во седмицата, а без никаква загуба на платата. Ова е шестмесечен пилот проект – организиран од непрофитната асоцијација 4 Day Week Global во соработка со истражувачи од Универзитетот Кембриџ, Универзитетот Оксфорд и Бостонскиот колеџ – кој има за цел да тестира дали ако работиме 4 дена во неделата наместо 5 ќе ја зголемиме продуктивноста на 100% а со тоа и ќе ја заслужиме платата 100%.
Истражувачите од универзитетите ќе работат со компаниите-учеснички во проектот за да го измерат не само нивото на продуктивност, туку и благосостојбата на работниците, влијанието врз животната средина и родовата еднаквост.
– По толку многу приватни деловни експерименти, или од страна на „просветлените“ влади – помислете на четиригодишниот тест на Исланд врз вработените во јавниот сектор – ова е „историска студија“ според Џулиет Шор, професорка по социологија на Бостонскиот колеџ. „Ќе анализираме како вработените реагираат на дополнителен слободен ден, во смисла на стрес и исцрпеност, задоволство од работата и животот, здравје, спиење, употреба на енергија, патување и многу други аспекти од животот“, рече тaa.
