„Тие не ги разбираат важечките безбедносни правила, ниту сите работи што луѓето можат да ги отркријат од една постирана фотографија на социјалните мрежи“ – вели поранешен офицер на ЦИА.
Фотографии на јахти, во луксузни вили, на имоти во планина или покрај море. Фотографиите објавени на социјалните мрежи од страна на семејствата на руските олигарски, се многу корисен материјал за оние кои се занимаваат со санкциите за руските олигарси, мерка која пристигна по почетокот на војната во Украина.
Инстаграм сосема се сврти против руските инфлуенсери. Убавиот лежерен живот до неодамна објавуван на социјалните мрежи денес станува истражувачки материјал за потрага на имотот на сопствениците. Десетици фотографии направени од ќерките и сопругите на тајкуните им помогнаа на истражителите да ги најдат луксузните јахти и бродови закотвени на различни пристаништа, но и гигантските имоти за да им стават пломби.
„Со една фотографија можете да откриете сè“
Впечатлив пример е Полина Ковалева која на социјалните мрежи го покажа својот живот во Лондон, живот како на принцеза. Поќерката на рускиот министер за надворешни работи Лавров, односно ќерка на неговата љубовница која исто така живее луксузен живот во Лондон, за неколку дена беше протерана од Велика Британија и лишена од целиот имот. Благодарение на фотографијата направена на јахтата на нејзиниот татко, и постирана на Инстаграм, било можно да се лоцира јахтата. Според Фајненшл тајмс, Ковалева купила стан од 4,4 милиони фунти во елитниот кварт Кенсингтон во Лондон во 2016 година, кога била 21-годишна студентка во Велика Британија.
Животна лекција, дури и ако олигарсите веќе го знаеја ова. За нив анонимноста не е интересна, како и за речиси сите супербогати. „За да бидеш инфлуенсер, треба да се покажеш“, вели Алекс Финли, поранешен офицер на ЦИА кој сега живее во Шпанија и се ангажира да ги пронајде јахтите на олигарсите. „Тие се под силен социјален притисок да го покажат своето богатство. Тие не ги разбираат правилата за безбедност, ниту сите работи што луѓето можат да ги разберат од една фотографија“, рече Финли.
View this post on Instagram
Поранешната сопруга на Сечин го „издаде“
За да се заплени „Аморе веро“, јахта вредна 120 милиони долари во сопственост на Игор Сечин, бил искористен профилот на Инстаграм на неговата поранешна сопруга. Бродот долг 281 стапки, кој може да прими 14 гости и 28 членови на екипажот, беше одземен од француските власти на почетокот на овој месец. Заедничката истрага на Проектот за известување за организиран криминал и корупција и независниот руски весник „Новаја Газета“ (сега затворен поради притисокот од Кремљ) објави извештај во кој ги поврзува фотографиите на Инстаграм објавени од шармантната втора сопруга на Сечин, Олга, на крстарење преку Медитеранот. Сечин и неговата нафтена компанија Роснефт, никогаш не потврдиле дека тој е сопственик на јахтата и ја тужел „Новаја Газета“.
Љубовницата го откри
Тука е и случајот со еден друг милијардер и неговата јахта – Олег Дерипаска, која пловела по норвешките води и каде рускиот тајкун имал тајни средби со високи руски функционери.Љубовницата на Дерипаска, Анастасија Вашукевич, постирајќи фотографии како позира на јахтата, ја открила и јахтата и нејзината локација. Иако Дерипаска негираше, сите информации од соцјалните мрежи беа искористени од Соединетите Американски Држави за санкционирање на милијардерот.
