колонијаПејачката Индирa Левак, поранешна членка на групата „Колонија“, на својот инстаграм-профил му посвети емотивна објава на колегата и пријателот Халид Бешлиќ, која ги развесели и растажи многу од нејзините следбеници.
„Секогаш си во моите мисли и во моето срце… Да оздравиш што поскоро и повторно да нè прегрнеш сите со својата добрина и песна… Брате, пријателе… Те сакам“, напиша Левак покрај заедничка фотографија.
Во коментарите многумина се приклучија на желбите за брзо оздравување:
„Сакам да оздрави што побрзо и да биде добро“, „Брзо закрепнување за Халид и враќање кон песната“, „Брзо опоравување за нашиот Халид“,„Халиде, те чекаме“.
За потсетување, пејачот е хоспитализиран повеќе од еден месец во Клиничкиот центар на Универзитетот во Сараево, на Одделението за нефрологија. Тој го откажа концертот што требаше да се одржи во Градачец на 27 август поради здравствени проблеми и започна со рехабилитација. Подоцна беше откриено дека Бешлиќ е префрлен на Одделението за онкологија поради проблеми со црниот дроб.
Средината на септември, менаџерот на Бешлиќ, Дамир Рамљак, изјави дека неговата состојба се подобрува и дека веројатно ќе биде пуштен дома, иако сè уште е во болница:
„Иде на подобро, има многу надеж, и ние ја имаме, па докторите планираат да го пуштат малку дома. Добро реагираше на терапијата што му ја дадоа сега во болница. Дури има намера да оди дома малку да се одмори од болницата, а потоа докторите ќе видат што и како. Но, како што стојат работите сега, оди на подобро“, рече тој, пренесува „Индекс“.
