За прв пат во историјата, трансродова жена победи на натпревар за убавина во Холандија. Сега таа ќе се бори за титулата „Мис Универзум“.
Станува збор за 22-годишниот Рики Валери Коле. Таа засекогаш влезе во историјата по нејзината победа на изборот за Мис на Холандија. Ова е прв пат во историјата трансродова жена да ја преземе титулата.
За време на триумфот Коле беше облечена во црвен фустан и не можеше да ги задржи емоциите од она што се случуваше. Беше крунисана од нејзината претходничка Она Муди и актуелната Мис Универзум, Р’Бони Габриел од Соединетите Американски Држави.
Сега таа се подготвува да учествува во следната фаза од натпреварот, поточно на престижниот „Мис Универзум“, кој ќе се одржи во декември годинаво во Ел Салвадор, но точниот датум сè уште не е дефиниран. Мисици од 24 земји ќе се борат за главната титула, но изгледа дека вниманието на јавноста ќе биде насочено кон Рики Валери Коле.
„Надминав толку многу психички и физички предизвици. Благодарна сум што го слушнав моето име кога беше објавена победничкаа. Бев многу нервозна, но во исто време и многу мотивирана, навистина сакав да ја искористам оваа можност“, напиша Коле на социјалните мрежи.
Холандската мисица ќе стане втората трансродова манекенка која стигна до главната конкуренција на „Мис Универзум“. Анџела Понсе од Шпанија во 2018 година стана прва трансродова жена која се натпреваруваше за титулата „Мис Универзум“ и тогаш ни таа ни јавноста не ни помислуваа дека ќе се пласира во финалето.
Имено, трансродовите убавици можат да учествуваат во „битката“ за круната од 2012 година.
Потсетуваме дека во мај годинава американската актерка Лаверн Кокс стана прототип на трансродовата кукла Барби. Според Кокс, ова е голема победа за целата ЛГБТ заедница.
